Ik Mein Hi Nhi Un Par Qurban Zamana Hai - Written Islamic Naats

اک میں ہی نہیں اُن پر قربان زمانہ ہے

اک میں ہی نہیں اُن پر قربان زمانہ ہے

جو ربِ دوعالم کا محبوبِ یگانہ ہے

کل جس نے ہمیں پُل سے خود پار لگانا ہے

زہرہ کا وہ بابا ہے ، حسنین کا نانا ہے

آؤ درِ زہرہ پر پھیلائے ہوئے دامن

یہ نسل کریموں کی، لجپال گھرانا ہے

ہوں شاہِ مدینہ کی میں پشت پناہی میں

کیا اس کی مجھے پروا دشمن جو زمانہ ہے

یہ کہ کر درِ حق سے لی موت میں کچھ مُہلت

میلاد کی آمد ہے، محفل کو سجانا ہے

سو بار اگرتوبہ ٹوٹی بھی تو حیرت کیا

بخشش کی روایت میں توبہ تو بہانہ ہے

پُر نور سی راہیں بھی روضے پہ نگاہیں بھی

جلوے بھی انوکھے ہیں منظر بھی سہانا ہے

محرومِ کرم اِس کو رکھئے نہ سرِ محشر

جیسا بھی ہوں میں آخر سائل تو پرانا ہے